الرئيس يشكر المصريين لجبرهم بخاطره في الدستور.. أبرز رسائل السيسي في عيد العمال "أنا بغير المسار"
في مايو من كل عام، تحتفل الدول بعيد العمال، والذي يأتي في بداية الشهر، والتي احتفلت به مصر اليوم الثلاثاء حيث حضر الرئيس عبدالفتاح السيسي، احتفالية عيد العمال التي نظمها الاتحاد العام لنقابات عمال مصر بمحافظة الإسكندرية، بمشاركة رئيس مجلس الوزراء، الدكتور مصطفى مدبولي، ووزير القوى العاملة محمد سعفان، والعديد من القيادات العمالية.
ووجه “السيسي” التحية لجميع عمال مصر، وحرص في كلمته على توجيه بعض الرسائل للمصريين، التي تطرق فيها للحديث عن عدة موضوعات مختلفة، نعرض أبرزها فيما يلي:
وتحدث الرئيس السيسي عن نظام التعليم الجديد الذي تسعى الدولة لتطبيقه لتجهيز الطلاب والطالبات للمستقبل، يشترط استعداد الأهالي وتفهمهم قائلا في كلمته: “لازم كل أسرة مصرية تكون مستعدة ومتفهمة، مش خايفة”.
وشدد “السيسي” على ضرورة تغيير نظام التعليم الذي شهدته الـ50 سنة الماضية، لعدم كفائته، مشيرا إلى ضرورة تعديله في ظل التكنولوجيا البازغة خلال السنوات المقبلة، لافتا إلى أن مسار تنفيذ نظام التعليم الجديد واضح وتدرسه الدولة منذ 3 سنوات أو أكثر، ولكن النجاح الحقيقي أن يتفهمه المصريون، ويساعدون في إنجاحه.
وتطرق الرئيس إلى اهتمام المصريين بالحصول على شهادات البكالوريوس والليسانس: “ممكن يبقى عندنا مراكز تدريب مهني كتير، ياترى انتوا مستعدين؟ ولا لازم ولادكم يكون معاهم ليسانس وبكالوريوس بس؟ مطالبا المصريين بضرورة التغيير لازم تقبلوا التغيير وتساعدونا علشان ننجح”، مضيفًا: “لو لم نجهز أولادنا وبناتنا للعمل في المستقبل، فلن يكون لهم مكان في السوق: لو ماجهزناهمش يبقى بنطلعهم علشان نقعدهم في الشارع وكدا بنضيع مصر”.
وأشار السيسي إلى صعوبة توظيف جميع الخريجين، لافتا إلى وصول عددهم كل عام نحو 600 إلى 700 ألف طالب: “هل فيه مكان لتوظيف 100 ألف خريج حقوق، و100 ألف خريج تجارة، لازم نكون مدركين، لازم الإعلام يشتغل والمسلسلات والمقالات، أنا بغير المسار ماينفعش ألاقي الرد بلغة أخرى”.
– ووجه الرئيس عبدالفتاح السيسي، التحية والتقدير للشعب المصري؛ لمشاركته في الاستفتاء على التعديلات الدستورية الأخيرة قائلا: ” “إنتوا يا مصريين جبرتم خاطري وخاطر مصر شكرًا لكم جميعا.. في مشهد الاستفتاء يضاف لكل المشاهد الإيجابية عبر التاريخ المصري.. الدنيا كلها كانت بتتكلم عن تجربة الاستفتاء اللي فاتت، بغض النظر عن النتيجة، مفيش في الوجود اللي إحنا فيه ده حاجة عليها إجماع كامل، ففيه ناس هتقول آه ونقبلها وناس هتقول لأ ونقبلها، مفيش حاجة 100%، لكن الأصح من ده إن الناس لما تنزل تحط كلمتها هتفرض رأيها وإرادتها”.
[the_ad id=”284340″]
وتحدث السيسي عن قرارات رفع الأجور، مؤكدا أن زيادتها لا تعكس ثمار الإصلاح، قائلا: «مش معنى إننا زودنا الحد الأدنى للأجور إن دا ثمار للإصلاح الاقتصادي، إحنا لسه معملناش حاجة».
وخاطب السيسي العمال في الدولة بضرورة مواصلة العمل على أكمل وجه قائلا: “لما تزعل وتحس إنك مظلوم اشتغل اكتر، مش تخاصم، متخاصمش نفسك، كل ما هيكبر هتكبر معاه، اللي اتعمل خلال السنين اللي فاتت بجهدكم ووعيكم.. التحدي مستمر وقائم”.
وأشاد الرئيس السيسي بما وصلت إليه مصر من إنجازات خلال السنوات الماضية، مشيرا إلى أنه يمثل جهد المواطنين: “كل المصريين اشتغلوا، وقبل كدا كمان كان المصريين بيشتغلوا، هي مصر اتعملت غير بشعبها؟” فقيام الحضارة يتطلب العمل بالجد والإتقان والمثابرة “ساعدونا ياعمال مصر في اللي جاي”.
وواصل الرئيس رسائله قائلا: “”لازم نجري ونشتغل ونعمر ومنخربش ومنقتلش ومنفسدش، مصر هتبقى حاجة تانية في وقت مش كتير أوي”.
وعاد السيسي للحديث عن الوزن مرة اخرى، قائلا “بمناسبة الصحة، لما بشوف حد شغال في حاجة ببص لشكله الأول، لو لقيت وزنه زيادة، أقول مابيشتغلش، لو بيشتغل مش هيبقى فيه مجال لزيادة الوزن، قمة الصحة أن نهتم بأنفسنا.
