أخبار مصر

الرئيس السيسي يكشف: اتحايلت على عدلي منصور علشان يترشح للرئاسة

كشف رئيس الجمهورية عبدالفتاح السيسي، عن محاولته لإقناع عدلي منصور الرئيس السابق للترشح من جديد لانتخابات رئاسة الجمهورية خلال عام 2014.

جاءت تلك التصريحات من سيادة رئيس الجمهورية خلال كلمته في ذكرى الاحتفال بالمولد النبوى الشريف، اليوم الخميس، التي أقيمت فعالياتها بمركز المنارة للمؤتمرات الدولية.

وأوضح الرئيس السيسي، “اتحايلت على الرئيس عدلي منصور شهوراً إنه يترشح وأنا في مكاني زي ما أنا “وزير دفاع”، أنا بقول الكلام دا وأنا عارف إنه ممكن يِزعَّل الرئيس عدلي، بس بقولها علشان تعرفوا إن الكل زاهد فيها، لإنه تحدي كبير سواء دنيا أو دين عند ربنا يوم القيامة”.

وأضاف سيادة الرئيس عبدالفتاح السيسي: “قولتله من فضلك سنة عدت، واترشح تاني وأنا مكاني وهعمل كل اللي يتعمل لأجل خاطر مصر وخاطرك، قالي لا يمكن، كده تمام وكفاية كده”.

وواصل الرئيس حديثه، “الحكاية مش حكاية رئيس أو نظام، على الأقل مش موجود عندي، إن شاء الله، بل هي قضية بناء أمة والدفاع عن مصر وحمايتها، والجري بأقصى ما يمكن علشان نحطها في مكانة تليق بيها”.

وتابع سيادة الرئيس، “الناحية التانية مواجهة الشر وأهله، لأني مش هنسى الشر وأهله، لا دلوقتي ولا من سنين طويلة فاتت، بالمناسبة من سنين طويلة والناس اللي تعرفني إني عمري ما كدبت حتى وأنا موجود في المكان اللي بيقولوا عليه أهل السياسة محتاج لوع، مفيش الكلام من دا، والنبي كان كده”.

أقرا المزيد رئيس الجمهورية عبدالفتاح السيسي للمصريين: “عمري ما كدبت”

مصر 365 على أخبار جوجل

مقالات ذات صلة

زر الذهاب إلى الأعلى