رسائل الرئيس السيسي للمواطنين وأجهزة الدولة والأطقم الطبية خلال افتتاح “بشائر الخير”

افتتح الرئيس السيسي، الخميس، مشروع التطوير الحضاري “بشائر الخير 3″ بمحافظة الإسكندرية، والذي ضم 10 آلاف و 624 وحدة سكنية.

وتضمنت كلمة الرئيس السيسي، عددًا من الرسائل للمواطنين وأجهزة الدولة والأطقم الطبية، نرصدها فيما يلي:

– أزمة فيروس كورونا تُدار بشكل مهني وعلمي.

– إطلاق أسماء شهداء الأطباء والجيش والشرطة والقضاء على الأحياء السكنية

– إحنا مخوفناش حد من أول أزمة كورونا..”بس خلوا بالكم”.

– يجب الالتزام بالإجراءات الاحترازية لتقليل عدد الإصابات قدر الإمكان.

– الدولة المصرية لديها القدرة لمواجهة فيروس كورونا المستجد

– معدلات الزيادة في أعداد إصابات فيروس كورونا تطور طبيعي.

– لابد من الاهتمام بالرياضة والطعام الصحي لزيادة المناعة في مواجهة كورونا.

– إحنا بلد في مواجهة مع مستقبلها عايزة الإخلاص والجدية واللي مش قادر يقول شكرًا أنا مش قادر.

ـ تعويض الأسر المتضرر من الوصلة الجديدة لميناء الإسكندرية.

– لازم يبقى فيه سلطة قانون وكلنا نحترم القانون

– مش هنفضل نجري ورا العشوائيات باقي عمرنا، لازم نوقف الموضوع ده.

– تخريب الدولة أسوأ من الإرهاب.

– أي تجاوز متقوليش هزيله.. قولي شيلته وقبضت على اللي عمله.

– ما كان بسبب 2011 لن يكون تاني أبدا إن حد يخش ياخد ويعبي ويبني، الكلام ده ميرضيش ربنا أبدا مش معقول.

– وقف أي أعمال بناء خاصة في القاهرة والإسكندرية والجيزة بشكل كامل، بخلاف المشروعات القومية

– مش هنفرج المصريين على مخالفات بنهدها، شايف مش مناسب نفرج المصريين على حاجة زي دي.

ـ هدف محور المحمودية تجهيز الإسكندرية لمشروعات تنموية.

ـ مرحبا بالمستثمرين والمطورين.

– المحافظ رئيس دولة صغيرة وعليه اتخاذ القرارات المناسبة لمواجهة التجاوزات والتعديات على أراضي الدولة.

– نزول المحافظين ومديري الأمن للشوارع لرصد المخالفات والتعديات على الأراضي.

– من حق المحافظ يرفض صدور تراخيص بناء إلا بعد دراسة الموقف.

مافيش دولة تسمح ببناء عمارة أو منشأة من 14 دورًا بدون أى مرافق.

ـ لا يمكن الحديث عن مجتمعات عمرانية دون بنية أساسية

– يجب على المواطنين معرفة كيفية وطريقة تفكير الدولة.

– لما اتكلمنا على محور المحمودية من سنتين كان رد فعل الرأي العام مش مستريح

– حجم كثافة الحركة في الإسكندرية صعب

– لقينا 35 جامع على حرم طريق المحمودية.

ـ ازاى الناس بتبني جوامع على حاجه مش بتاعتها؟.