ازاى تخلى جوزك ما يقدرش يستغنى عنك”المقالة الخامسة”

Advertisements

اعزائي زوارنا الكرام ونكمل كلامنا عن القواعد اللى المفروض تبقي فى اى علاقة واحنا كنا واقفين عن القاعدة الرابعة وهى ان رجاله كتير بيتعمدوا ما يتصلوش بالس عشان يشوفوا هى رد فعلها اية ودة خصوصا في المخطوبين والراجل بطبعه بيحب يحط الست تحت الاختبار بيشوف ميتها من الاخر عشان يعرف هو هيتصرف معاها ازاى فالراجل زى الطفل الصغير لما يحس ان حاجة ضايقتك يفضل يعملها ويعيدها عشان تفقدى اعصابك وهو بيعمل كدة عشان يحس انه مهم ويجذب الانتباه الراجل كمان بيعمل كدة عشان يعرف راسه من رجليه يعنى لو ما اتصلش يوم وانتى قومتى الدنيا واتعصبتى واتنرفزتى واشتغلتى بقي رنات ورسايل  ياه تلاقيه بقي ماسك التليفون ومنشكح اوى وهو شايفك بتديه كل الكروت اللى هيحاربك بيها بعد كدة ويتأكد انك مدلوقة عليه وانه متحكم فيكى لاقصي درجة وعشان كدة لازم تعملى عكس ما هو متوقع ده هيخليه بحس انك ست غامضة ويعيش فى جو الاثارة والروايات البوليسية يعنى لو ما اتصلش متعمليش حاجة ولو انتى اتصلتى عليه تبقى مرة او مرتين بالكتير ولو رد عليكى اتكلمى عادى جدا ولا كأن فيه حاجة واوعى تقوليله انت ما تصلتش ليه او تزعقى وتعلى صوتك لا خالص خليكى هادية جدا ومش فى دماغك من كتر ما انتى عندك حاجات مهمة جدا ومسلية ما خدتيش بالك انه ما اتصلش ولو لمح مثلا للموضوع وقالك احنا بقالنا كام يوم ما كلمناش بعض قوليله والله ما خدتش بالى دة الوقت بمر بسرعة اصل انا كنت مشغولة مع صحابى وكنت بشتري حاجات  والبيت انت عارف ما حسيتش اليوم خلص امته كدة يبقي الباشا عاوز مكان يحشر نفسه فيه وسط مسؤولياتك الجسيمة مش هيبقي زهقان من كتر ما انتى فاضية ومش وراكى حاجة تعمليها غيره وكمان حاجة لو انتو بتتكلموا وقالك فجأة بقولك إيه سلام عشان ورايا حاجة و لا عايز أنام ولا أي حجة عشان ينهي المكالمة اوعي تقوليلو “خليك معايا شوية” ” هو أنا لسة اتكلمت معك” بمجرد ما يقولك سلام قوليلو أنا كمان عندي كذا و كذا أما ألحق أعمل حاجة سلااام ونصيحة منى خلي مكالمتكم في الفترة دي على خفيف والمتجوزين لو جوزك مسافر و اتكلمتو قوليلو بحبك ووحشتني وخليها مكالمة عسل كده وخفيفة عشان يبقى حابب يكلمك مش تقوليلو العيال جننوني و أمك عملت دة للي جوزها بيسافر لفترات قصيرة أما لو جوزك في الغربة فمفيش مفر بس إنتي خليكي إيجابية على قد ما تقدري وبكدة نكون خلصنا كلامنا النهاردة ونكمل المقالة الجاية ان شاء الله.

Advertisements
مصر 365 على أخبار جوجل
الوسوم

مقالات ذات صلة

اترك تعليقاً

لن يتم نشر عنوان بريدك الإلكتروني.

زر الذهاب إلى الأعلى
إغلاق