سعر الغاز الطبيعي للسيارات في مصر حالياً يبلغ حوالي 7 جنيهات لكل متر مكعب وده بيخليه بديل جذاب جداً مقارنة بأسعار البنزين اللي وصلت لمستويات جديدة في الفترة الأخيرة، البنزين 80 بقى بـ 15.75 جنيه، البنزين 92 وصل لـ 17.25 جنيه، والبنزين 95 بـ 19 جنيه للتر الواحد، الفارق واضح لأي صاحب عربية بيحسب مصاريفه الشهرية بدقة
في نفس الوقت السولار المستخدم في عربيات النقل والأتوبيسات الكبيرة سعره وصل لـ 15.5 جنيه للتر، وده بيأثر مش بس على الأفراد، لكن كمان على تكلفة النقل وأسعار المنتجات.
سعر الغاز الطبيعي اليوم للسيارات
سعر الغاز الطبيعي للسيارات في مصر ما زال ثابت عند 7 جنيهات لكل متر مكعب، وذلك بحسب آخر تحديث رسمي تم الإعلان عنه في أبريل 2025. اللجنة المختصة بتسعير المنتجات البترولية لم تُقر أي زيادات جديدة على الغاز الطبيعي، على عكس ما حدث مع أسعار البنزين التي شهدت ارتفاعًا ملحوظًا.
هذا الثبات في سعر الغاز الطبيعي يجعل منه خيارًا اقتصاديًا أكثر لأصحاب السيارات، خاصة مع تصاعد تكاليف البنزين بأنواعه المختلفة. الفارق الكبير في السعر بين الغاز والبنزين أصبح دافع قوي لكثير من أصحاب السيارات لتحويل سياراتهم للعمل بالغاز، سواء جزئيًا أو كليًا، لتقليل المصروفات الشهرية على الوقود.
إلى جانب ذلك، الغاز الطبيعي يعتبر وقود نظيف بيئيًا ويساعد في تقليل الانبعاثات الضارة، ما يجعله خيارًا مناسبًا لمن يهتمون بالاستدامة والبيئة. وبالرغم من أن بعض السيارات قد تحتاج إلى تجهيزات خاصة للعمل بالغاز، إلا أن المردود الاقتصادي خلال فترة قصيرة يجعل هذا التحول مجديًا من جميع النواحي.
هل الغاز الطبيعي فعلاً أوفر من البنزين؟
الإجابة باختصار: نعم. لو افترضنا إن العربية بتستهلك متر مكعب غاز لكل 10 كيلومتر، هتلاقي إن تكلفة 100 كيلومتر بالغاز حوالي 70 جنيه، في حين إن نفس المسافة بالبنزين 92 ممكن تكلفك فوق 150 جنيه، التوفير بيكون أكبر مع المسافات الطويلة أو في حالة الاستخدام اليومي، وده بيخلي الغاز الطبيعي اختيار ذكي للي بيشتغل في التوصيل أو السفر المستمر
التحويل للغاز الطبيعي: هل يستاهل؟
تحويل عربيتك تشتغل بالغاز الطبيعي بياخد وقت قصير وتكلفته بتتراوح بين 11,000 و24,000 جنيه حسب نوع العربية وحالتها، لكن التكلفة دي بتتعوض في خلال شهور قليلة من التوفير في مصاريف البنزين، التحويل كمان بيتم في مراكز معتمدة، وبيشمل فحص كامل للموتور وضبط نظام الوقود علشان الأداء يفضل ثابت وما يحصلش أي مشاكل
هل في تأثير على أداء العربية؟
ناس كتير بتسأل هل الغاز الطبيعي بيأثر على قوة العربية؟ الحقيقة إن الأداء بيكون شبه ثابت، خصوصاً في السرعات المتوسطة، بعض العربيات بتحس بفرق بسيط في السحب مع بداية التشغيل لكن مع الوقت الموضوع بيبقى طبيعي، كمان التحويل مش بيغير حاجة في الموتور نفسه، مجرد إضافة نظام تشغيل إضافي للغاز مع إمكانية الرجوع للبنزين وقت الحاجة
مقارنة بيئية: الغاز الطبيعي ولا البنزين؟
غير التوفير، الغاز الطبيعي بيقدم ميزة مهمة جداً وهي الحفاظ على البيئة، لأنه بينتج عنه انبعاثات أقل من ثاني أكسيد الكربون والمواد الضارة مقارنة بالبنزين أو السولار، وده بيساعد في تقليل التلوث الهوائي وبيخلي العربية صديقة للبيئة أكتر، كمان الحكومة بتشجع على التحول للغاز من خلال مبادرات زي مبادرة إحلال السيارات
لو ماعندكش عربية: هل الغاز الطبيعي ليك علاقة بيه؟
حتى لو ماعندكش عربية، فارتفاع أسعار البنزين بيأثر عليك بشكل غير مباشر، لأن تكلفة النقل بتزيد وبالتالي أسعار المنتجات والخدمات بتزيد، لما أصحاب عربيات النقل أو التاكسيات يحولوا للغاز الطبيعي، ده بيخفف الضغط على البنزين وبيساعد في استقرار الأسعار نسبياً، يعني التحول للغاز مش بس مصلحة لصاحب العربية لكن ليك كمان كمستهلك
مستقبل الغاز الطبيعي في مصر
في ظل الاتجاه العالمي نحو الطاقة النظيفة، مصر بتركز بشكل كبير على التوسع في محطات تموين الغاز الطبيعي، حاليًا في عشرات المحطات الجديدة بتتفتح كل شهر وده بيخلي استخدام الغاز أسهل وأسرع من زمان، بالإضافة إن في خطط لتقديم تسهيلات أكتر في التحويل والدفع بالتقسيط
خلاصة مهمة لكل سائق أو مواطن
سعر الغاز الطبيعي للسيارات بيفتح فرصة حقيقية لأي حد عايز يقلل من مصاريفه الشهرية ويحافظ على عربيته، الفارق في السعر والتوفير طويل المدى واضح، ومع التوسع في المحطات والدعم الحكومي، التحول بقى سهل وآمن، ولو انت مش بتسوق، برضه فايدة الغاز الطبيعي بتوصلك في شكل استقرار للأسعار أو حتى جودة هواء أفضل في الشارع
كلام فارغ دة كله ، اثبتت الدراسات العلمية مش الدراسات البتنجان بتاعتكم ان الغاز له تأثير سلبي على المحرك، خاصه بعد اكتشاف انه عادم الغاز انعاثاته الحرارية الخارجه من المحرك ، أعلى من حرارة البنزين ، ما بلك داخل المحرك بيحصل ايه ، عمر محرك قصير ، عمرات محرك متتاليه تكلفه اعلي ، دة غير تكلفة التحويل لغاز اصلا
شكراً علي التعليق، لكن لو سئلت الناس اللى معاها تاكسي او سيارات ميكروباص واللى اغلبهم من سنين حولو لغاز طبيعي هيأكدو الكلام، وفي النهاية بيحسبو تكلفة تغيير محرك بعد فترة علي اللي وفروها بيكون الفرق رهيب ده لو احتاج لتغيير المحرك، غير كدا حالياً بقي في تكنولوجيا جديدة في الموضوع واللى بيخلي عمر المحرك اطول.
في النهاية هي تقييمات كل واحد بيشوف اللى فيه مصلحته، كمان اداء المحركات وهي غاز بيكون اضعف لكن مش بشكل مبالغ فيه فكل حاجة ولها عيوب ومميزات.